Abrindo Portas a Europa (proxectos europeos CPI Domingo Fontán)

Creamos novos apartados na web do colexio para publicar as novas relacionadas cos Programas Europeos nos que estamos a participar. Tamén subimos o noso Plan de Desenvolvemento Europeo ao apartado de Plans e Programas do centro. Ademais, deseñamos unha nova CDU na nosa Biblioteca para sinalar os fondos relacionados co Proxecto Europeo!

Por iniciativa do Consello de Europa de Estrasburgo, nomeouse o 26 de Setembro de cada ano o Día Europeo das Linguas. Trátase de potenciar a diversidade lingüística e poñer en valor a herdanza cultural do noso continente. Podedes ver todas as propostas nesta ligazón . No CPI Domingo Fontán, os Departamentos de Galego, Inglés e Plástica (coas profes participantes nos programas europeos: Susana S., María R. e Sara R.), unímonos a esta celebración con varias actividades realizadas polos nosos alumnos da ESO: Un traballo e exposición no taboleiro con palabras doutras linguas europeas (1ºESO), a posta en valor das linguas minoritarias (2º ESO) e a participación no concurso para o deseño do próximo logo para este día (3ºESO).