Abrindo Portas a Europa (proxectos europeos CPI Domingo Fontán)

  Aceptamos a solicitude por parte da Xunta de facer un relatorio no plan de formación do curso do CAFI "Patrimonio cultural europeo en colaboración a través do programa eTwinning" que forma parte do Plan Proxecta deste curso 2021/22. Na ponencia contaremos a nosa experiencia co proxecto "Europe is the Way" que obtivo o Selo de Calidade Nacional e o Europeo o curso pasado e que levamos a cabo na 1ª edición deste mesmo curso. Aquí estamos na reunión virtual para sincronizar a charla, pois quixemos participar os catro! Pronto contaremos cómo resultou todo...

 

Comezamos a colaborar co blog EDUCACIÓN PATRIMONIAL da Dirección Xeral do Patrimonio Cultural. Neste blog, todos os centros participantes no Plan Proxecta "Patrimonio cultural europeo en colaboración no programa eTwinnig" imos publicando novas, avances dos proxectos e impresións. Arriba á esquerda podedes atopar a ligazón á etiqueta "CPI Domingo Fontán" do blog de Educación patrimonial para que botedes unha ollada ao noso proxecto e a todos os demais! 

Esta mañán de sábado estamos a afondar nos proxectos Erasmus+ e intentar abarcar todas as súas incribles posibilidades! Temos o noso proxecto Erasmus+ KA1 activo, pero bastante parado por mor do cese de mobilidades... mentres estamos a aprender máis sobre o tema.