O 17 e 18 de Novembro a profesora Susana Simó acudiu a Madrid a representar ao noso centro no encontro anual de escolas galardonadas co selo eTwinning. A verdade é que foi un gran honor recibir este recoñecemento e poñer as nosas ideas en común con outras escolas que tamén teñen unha grande presencia nesta plataforma de intercambio e traballo colaborativo entre escolas de todo o continente. Grazas por darnos esta oportunidade para seguires aprendendo e planificando proxectos!
O Equipo de Programas Europeos realizou unha ponencia sobre eTwinning organizada polo CFR. De xeito virtual, presentamos a nosa traxectoria nesta plataforma para animar a outros profesores a participar!
Dentro do noso programa Erasmus+ KA1 vimos de facer a nosa terceira mobilidade que consistiu nunha observación de boas prácticas "jobshadowing" no instituto Keruleti Budai Nagy Antal Gimnazium en Budapest. A experiencia foi moi enriquecedora, tivemos oportunidade de valorar a importancia que se lle da a ensinanza de linguas estranxeiras, especialmente o inglés , pero tamén o español ( e incluso participamos como falantes nativos en ditas clases).Así mesmo poidemos facer unha comparación entre os sistemas educativos húngaro e español. A acollida por parte dos nosos compañeiros húngaros foi moi boa, e esperamos poder colaborar en máis proxectos nun futuro cercano.
Comentarios
Publicar un comentario